Банките во Лондон, кои сакаат да ги преместат своите активности во еврозоната по Brexit, најверојатно ќе бидат поштедени од долгите тестови од страна на европските регулатори што би го направило полесно тоа нивно редислоцирање, објавија официјални функционери, запознаени со прашањето, цитирани од агенцијата Ројтерс. 

Европската централна банка која ја остварува банкарската супервизија во еврозоната, има добиено многу барања од базирани банки во Велика Британија кои сакаат да дојдат под нејзината надзорна капа и тоа ја тера да размисли за процедури за побрзо обезбедување на потребните лиценци, истакнуваат изворите на Ројтерс.

Станува збор за привремено откажување од студија на финансиските модели кои големите доверители и инвестициските банки ги користат за да се идентификуваат ризиците за несолвентност поврзани со нивна хипотека и деривативни финансиски инструменти, додека соодветните банки продолжуваат да ги исполнуваат стандардите на британските регулатори. 

Секое едно вакво решение од страна на ЕЦБ ќе биде главно поради практични, а не од политички причини и би имало за цел да се минимизираат нарушувањата на европските финансии, откако Велика Британија ќе ја напушти ЕУ.

Ресурсите се ограничени, но ние ќе најдеме начин да ги обезбедиме потребните дозволи што е можно побрзо, изјави еден од изворите на Ројтерс, кој побарал да зборува под услов на анонимност поради чувствителноста на прашањето. 

Европскиот финансиски систем сака да продолжи да функционира, додаде тој. Ова одбивање ќе послужи за забрзување на плановите за преместување на банките и ќе помогне за промена на европскиот финансиски пејзаж преку зајакнување на процесите за преместување на профитабилен бизнис од Лондон до Франкфурт, Париз, Луксембург или Даблин. Ројтерс наведува дека во оваа фаза од ЕЦБ одбиваат да коментираат слични информации.