Осум месеци Др­жав­ни­от завод за статистика (ДЗС) не им исплатил хонорари на ан­ке­та­ри­те што работат за него. Лицата што се ангажирани со договор на де­ло и што одат по домовите за да ги анкетираат домаќинствата, не ги до­би­ле парите уште за декември минатата 2012 година, објави „Вест“.

За анкетата за работна сила анкетарите добиваат по 220 денари за секој ан­ке­ти­ран дом.

"Пос­ле­ден пат ни беше исплатен ноемврискиот хонорар во април. Оттогаш до­се­га немаме добиено ниту денар. Сите овие месеци ние трошиме пари за превоз, одиме по куќи, а без пари. И порано имаше доцнење на хо­но­ра­ри­те, за еден, два, три месеци, но како сега никогаш не било. Не ни се ве­ру­ва дека Заводот нема пари, затоа што службениците редовно одат по служ­бе­ни патишта", пишува „Вест“ цитирајќи еден од анкетарите.

Од Др­жав­ни­от завод за статистика им соопштиле дека  „На­до­мес­то­ци­те за анкетарите што се ангажираат за потребите на ста­тис­тич­ки­те истражувања се исплаќаат сукцесивно, во зависност од ди­на­ми­ка­та на спроведување на истражувањата, анализата на квалитетот на дос­та­ве­ни­те податоци и расположливите средства".