Две лица вчера во 17.30 часот се повредени во сообраќајна несреќа, кај селото Никуштак на регионалниот пат Куманово-Скопје. Во несреќата дошло до директен судир на два автомобили, „рено“ со скопски регистарски ознаки управувано од  С.Ј. (50) од Кратово и „ауди А4“ со скопски регистарски таблички, кое го возел  С.С. на возраст од 36 години. Возачот на „аудито“ се здобил со тешки телесни повреди и со возило на Брза помош е пренесен во Општа болница Куманово, каде е задржан на лекување, а неговиот сопатник, е пренесен во Ургентниот центар во Скопје. Допрва ќе се утврдуваат причините за несреќата.