По вчерашното невреме што најсилно беше во тетовскиот регион, полицијата се уште трага по шестгодишно девојче од Шипковица и по 61 - годишен маж од село Лисец. До сега, полицијата ги пронајде телата на 4 лица од кои три се деца. Едниот од загинатите е човек на 83 годишна возраст од Шипковица, а животот го загубија и деца од кои едното имало 14 години, а другото било на возраст од неполни 2 години. Загина и седумгодишно дете од Тетово чие тело беше пронајдено во Голема Речица. Од вчерашното невреме и обилните дождови, се излеа реката Пена, по што се поплавија голем број куќи и улици. Најмногу штета претрпи тетовскиот регион.