Новиот закон за безбедност на патиштата предвидува дупло повисоки казни од претходно.

Па така, ако до сега возачот кој не користи сигурносен појас беше казнуван со 20 евра и 10 неативни поени, сега тоа ќе го чини 40 евра и 25 негатни поени. Совозачот пак, кој не носи сигурносен појас место 20 сега ќе заработи казна од 50 евра.

Предвидена е и нова казна од 50 евра за совозачот кој го попречува возачот и му го одзема вниманието и можноста за реагирање и сигурно управување со возилото.

Со новиот закон се зголемија казните и за моторциклистите, кои ако не носат заштитна кацига, наместо досегашните 35 ќе плаќаат 50 евра, а толку ќе платат и совозачите, кои досега плаќаа 20 евра.

Казна во висина од 50 евра е предвидена и за секој велосипедист кој не носи кацига. Навечер и во услови на намалена видливост, задолжителен ќе биде и рефректирачки елек.

А, пешаците пак кои ќе поминат на црвено светло ќе платат 50 евра, а ако не ја поминат улицата на пешачки премин, ќе платат 30 евра, место досегашните 25.