Дупка во буџетот на Грција за над 2,5 милијарди евра го открил техничкиот тим на Европската комисија, Европската централна банка, Меѓународниот монетарен фонд и Европскиот фонд за стабилност, кој е во Атина на разговори со грчката Влада, јавуваат грчките медиуми.

Екипата на овие институции ги проверува во Атина сметководствените книги на кабинетот на премиерот Алексис Ципрас во врска со предложените од него структурни реформи, кои планира да ги реализира, за да бидат деблокирани средства од спасувачката програма за земјата.

Повикувајќи се на владини извори, весникот „Етнос“ тврди дека преговорите со овие институции се во „кал“ и дека технократите на европските партнери на Грција продолжуваат да се придржуваат кон остриот курс и да ги оценуваат буџетските индикатори на земјата врз основа на обврските, од претходната влада во Атина, а во рамките на мерките преземени од поранешниот министер за финансии Гикас Хардувелис, кои констатирале дупка во буџетот и побарале нови мерки.

Истите извори изјавиле дека преговорите се движат на „границата за границата“, бидејќи претставниците на доверителите биле на друг бран, нема ништо заедничко со договорот од 20 февруари со Еврогрупата. Доверителите инсистирале за финализирање на проценката на тековната спасувачка програма, како што повторно би ги вратиле работите таму каде што преговарачкиот процес е запрен пред изборите во Грција што не оставиле поле за оптимизам и за континуитет.

Изданието тврди уште дека за дупка во износ од 2,2 милијарди евра, но во буџетскиот суфицит за 2014 година, на што укажало и грчкото Министерство за финансии.

Централната банка на Грција вчера соопшти дека оваа година земјата повторно се соочува во дефицит. Според податоците на банката готовинскиот баланс на централната влада е 684 милиони евра дефицит за првите два месеци од годината, во споредба со суфицит од 139 милиони евра во јануари и февруари 2014 година.

Објавувајќи се против спасувачката програма за Грција партија „СИРИЗА“ победи на изборите на 25 јануари со ветување дека ќе преговара за спасувачките кредитни договори, барајќи ново отпишување на долгот по шест години на рецесија. Премиерот Алексис Ципрас вчера ветил дека платите и пензиите нема да бидат засегнати од преговорите со кредиторите.