Демократската унија за интеграција (ДУИ) ги дефинираше кандидатските листи за претстојните предвремени парламентарни избори. Лидерот на партијата Али Ахмети ќе ја предводи кандидатската листа во 6-тата тетовско-гостиварска изборна единица, додека досегашната пратеничка Ермира Мехмети ќе биде носител во 1-вата скопска изборна единица. Во ИЕ 2 – кумановската изборна единица листата ќе ја предводи Реџаил Исмаили, во третата носител ќе биде Беџахудин Шехапи, а во петтата - Муса Џафери, објавија од ДУИ. Партијата нема да истакне своја кандидатска листа во четвртата изборна единица.