Претседателот на ДУИ,  Али Ахмети уште не открива кои ќе бидат следните чекори на партијата, откако пред два дена ги повлече министрите и замениците министри од Владата.

Ахмети вчера во Струга изјави дека одговорот за идните политики го знае само тој. На дневен ред на првата собраниска седница утре ќе се најдат оставките на функционерите на ДУИ, кои се повлекоа од Владата. Се очекува претседателот на Собранието, Тајко Вељаноски веднаш, без одлагање да ги констатира, при што оставките од страна на Собранието, според деловникот да се усовојуват без дискусија.

Одлуката на ДУИ да ги повлече своите министри уследи по објавувањето прислушувани разговори на јутуб и социјалните мрежи,  во кои разговараат заменик-премиерот, Муса Џафери и пратеничката, Емира Мехмети.