Партијата на Али Ахмети бара од претседателот Иванов како потписничка на Скопскиот Договор за излез од политичката криза да ја разгледа уште еднаш одлуката за Аболиција од 13 Април 2016 и да искаже јасна политичка определба за повлекување или поништување на истата.

Горенаведената одлука, како што соопштуваат од ДУИ директно задира во реформскиот процес започнат со политичкиот договор од 2 Јуни 2015 како и Протоколот од 15 Јули 2015 и затоа бараат Иванов да ја разгледа истата и во најкус можен рок да донесе политичка одлука за надминување на ново настаната ситуација како и да се изнајде правен начин за да се реализира горенаведенето барање.

Од Демократската Унија за Интеграција велат дека остануваат посветени на целосната имплементација на Скопскиот Договор и реформската агенда.