Само за еден месец, или од февруари до март, државните резерви се намалени за 46 милиони евра. Заклучно со првиот економски кавартал или државните резерви изнесувале 1 милијарда 941 милион евра. Намалување на државните резерви се заблежува и кај девизните резерви во конвертибилни валути, односно резерви врзани за хартии од вредност и депозити кај странски банки, но и кај резервите во злато. Така, според податоците, на крајот од март во форма на хартии од вредност Македонија чува 1 милијарда и 610 милиони евра, потоа 121 милион евра како депозити и валути во странски банки и 205 милиони евра, како вредност во злато. Во март, девизните резерви во злато во споредба со февруари, се намалени за околу 7 милиони евра. Податоците покажуваат дека мартовското салдо на девизните резерви е едно од најниските од ноември 2011 та година. До декември 2013 та година девизните резерви имаа вредност повисока од 2 милијарди евра. Од декември до март тие се одржуваат под ова ниво.

“Последната состојба на бруто девизните резерви, на 31 ви март изнесува 1 и 941  милиони евра, што претставува пад од 51,9 милиони евра во однос на крајот од претходната година. Негативните промени на девизните резерви во најголем дел се должат на нето-продажбата на девизи од страна на НБРМ на девизниот пазар и на трансакциите за сметка на државата“ – пишува во најновиот априлски извештај на Народната Банка.

Дел од експертската јавност не ја отфрлa можноста дека намалувањето на девизните резерви е поврзано со изборите.