„Дракселмаер“, најголемиот работодавач во Кавадарци, на министерот за подобрвање на инвестициската клима Зоран Шапуриќ му соопшти дека оваа година компанијата платила рекордна сума за домашните фирми-добавувачи од 12 милиони евра.

Директорот Лукас Мурингер изрази задоволство од соработката со Владата на Република Македонија и најави нови инвестиции во државата, а од кабинетот на Шапуриќ објавија овој странски инвеститор во 2018  година остварил раст и го зголемил своето производството за околу 13 проценти.

Од „Дракселмаер“ најавија вработување на уште околу 800 работници на постоечките 6.000, додека Шапуриќ истакнал дека определбата на Владата е да ги поддржува странските инвестиции и дека е посебно заинтересирана за инвестиции што ќе доведуваат до производство на производи со повисока додадена вредност, воведување нови развиени технологии, подобро платени работни места и особено зголемување на соработката на странските инвеститори со домашните компании.