Бизнисменот и активист за човекови права Осман Кавала е осуден на доживотен затвор денеска од турскиот суд. Тој ги организираше фамозните протести во паркот Гези во Истанбул.

Судот го прогласи за виновен за обид за соборување на владата преку финансирање на протести низ земјата во 2013 година.

Филантропот е во затвор четири и пол години без пресуда и ги негира обвиненијата против себе и 15 други обвинети за протестите во Гези, кои започнаа како мали демонстрации во паркот во Истанбул и прераснаа во антивладини немири низ земјата во кои беа убиени осум демонстранти.

Судот осуди уште неколку обвинети на 18 години затвор за помагање во обид за соборување на власта.

Судот, исто така, соопшти дека одлучил да го ослободи Кавала од обвиненијата за шпионажа поради недостиг на докази.