ДОСИЕ „ПУЧ“: Заев наскоро пред суд
Опозицискиот лидер Зоран Заев наскоро ќе седне на обвинителна клупа.
Обвинителниот акт денеска беше одобрен од скопскиот Кривичен суд, истакнувајќи ги приговорите на одбраната како неосновани.
Терминот кога ќе му се суди на Заев ќе биде утврдуван дополнително, а судот утврдил дека делата кои се предмет на обвинителниот акт се кривични дела.
Обвинението за одбраната е паушално и правно неиздржано бидејќи како што напоменуваат барањето за техничка влада е политичко барање, а не загрозување на уставниот поредок и безбедноста на земјата.
Опозицискиот лидер е четвртоосомничен од пет лица во овој случај, а се товари за насилство спрема претставници на највисоките државни органи, за кривично дело сторено во обид, додека првоосомничениот поранешниот директор на Управата за безбедност и контраразузнавање, Зоран Верушевски, пак се товари за неовластено прислушување и тонско снимање, шпионажа и за помагање во насилство спрема претставници од највисоки државни органи.На последното испрашување на Заев му биле предочени доказите, за кои тој се бранел со молчење.
Неодамна, во овој случај имаше и прва пресуда, кога поранешен вработен во МВР го призна делото и доби три години казна затвор.
Пет луѓе: Зоран и Соња Верушевски, Ѓорѓи Лазаревски, Зоран Заев, Бранко Палифров се обвинети за „шпионажа“, „неовластено прислушување и тонско снимање“ и за „насилство над највисоки претставници на власта“. Во притвор се четворицата обвинети, со исклучок на Зоран Заев.
Експертите за овој случај сметаат дека Обвинување за Пуч е сериозна работа.
Слично
Поврзани вести
