На денешната владина седница ќе се разгледува дополнетиот Предлог-буџет за 2019 година откако ратениците од мнозинството оценија дека се работи за развоен и социјален буџет со поддршка на евроатланските интеграции, а за опозицијата тој е мегаломански со нереални проекции.

Според Предлог-буџетот вкупните приходи во државната касасе проектирани на 210,8 милијарди денари, а вкупните расходи на 228,5 милијарди денари. Растот на БДП е проектиран на 3,2 проценти, а стапката на инфлација на два процента. Буџетскиот дефицит е проектиран на 2,5 проценти или 17,7 милијарди денари што е за 500 милиони денари помалку во однос на 2018 година.

По разгледувањето на дополнетиот Предлог-буџет за 2019 година, тој ќе биде испратен до Собранието на усвојување.