Поевтинуваат бензините и дизелот. Од ноќеска на полноќ за денар по литар поевтинуваат бензините, а цената на дизел горивата се намалува за половина денар, одлучи денеска Регулаторната комисија за енергетика и водни услуги (РКЕ). Со одлуката се врши намалување на малопродажните цени на нафтените деривати во просек за 1,48 отсто.

Новата малопродажна цена на ЕУРОСУПЕР БС-95 изнесува 67 денари за литар, а на ЕУРОСУПЕР БС-98, 69 денари за литар. ЕУРОДИЗЕЛ (Д-Е V) ќе се продава за 59,5 денари по литар, додека Екстра лесното масло за домаќинство (ЕЛ-1) ќе чини 59 денари за литар.

Со одлуката на РКЕ за 0,977 денари за килограм се намалува и малопродажната цена на Мазутот М-1 НС и ќе изнесува 33,619 денари.