Светската економија се уште е во големи долгови. Ова предупредување го упати истражувачкиот оддел на McKinsey & Co. Компанијата проценува дека обврските на владите, компаниите, домаќинствата и финансиските компании во 47 земји се зголемија за 57 трилиони долари до 199 трилиони долари. Зголемувањето е еквивалентно на 17% од бруто домашниот производ (БДП) на земјите. Иако не е толку голема вредност, колку што е 23% -то зголемување на долгот што го видовме во седумте години пред финансиската криза, новите податоци ги демолираа во прав и пепел надежите дека несигурноста и последователната глобална рецесија ќе го насочи светот кон еден поодржлив пат . Само владиниот долг е зголемен за 25 трилиони долари во последните седум години, а земјите во развој се одговорни за речиси половина од целата сума. McKinsey не смета дека траекторијата на растечките нивоа на долг ќе се промени наскоро. Еве три причини за тоа: 1. Долгот е премногу висок, за да биде излечен од политиката на штедење или раст Политичарите ќе треба да разгледаат повеќе нетрадиционални мерки како продажба на средства, еднократни даноци и можеби програми за реструктуирање на долгот. 2.Домакинствата во некои земји продолжуваат да ги зголемуваат долговите 80% од домаќинствата имаат поголем долг отколку што имале во 2007 година. Ситуацијата е таква во Северна Европа, Канада и Австралија. 3. Кинескиот долг се зголемува нагло Благодарение на имотниот сектор и банкарството во сенка, долгот во втората по големина економија во светот се зголеми четирикратно. Тој беше 7 трилиони долари во 2007 година, а кон средината на минатата година достигна 28 трилиони долари. Кај 282% од бруто домашниот производ, товарот на долгот веќе е поголем од оној на САД или Германија. Особено проблематично за McKinsey е фактот дека половина од заемите се поврзани со промените во имотниот сектор. К.К.