ДОЛАРОТ ПАДНА: Други две валути зајакнаа
Доларот денеска падна на најниско ниво во изминативе три години, а дел од валутите имаат раст.
Ова се случува откако министерот за финансии на САД, Стив Мнучин, на Светскиот економски форум во Давос изјави дека „послаб долар е подобар за трговијата“.
Индексот на американскиот долар, кој се мери во однос на кошничката од шест светски валути, денеска падна за 0,5 проценти и ја премина психолошката граница од 90 поени намалувајќи се до 89.66. Ова е најниско ниво од декември 2014 година.
Еврото денеска се тргуваше за 1,23 долари, што е највисока вредност во изминативе три години.
Јапонскиот јен и британската фунта зајакнаа во однос на доларот.
Слично
Поврзани вести
