Разрешницата која дојде со постигнатиот договор на политичките партии за избори значи надеж за стабилизиација на бизнис секторот.

Од Сојузот на стопански комори на Македонија порачуваат дека е потребна политичка стабилност за да може бизнис секторот целосно да се оправи и да се врати во функционалност на институциите што претставува предуслов за континуитет во работата на компаниите.

„Потребна е прво политичка стабилност како предуслов за економска стабилност и овозможување економски раст, кој во време на политичката криза беше тешко да се постигне бидејки компаниите ги замрзнаа вработувањата и планираните инвестиции очекувајќи разрешница“, истакна претседателката на ССК Данела Арсовска.

Таа додаде дека најпрво ќе почекаат да се покаже колку е финален договорот на политичарите, а приватниот сектор ќе продолжи да се бори да опстои .