Босанскиот политичар Милорад Додик на митинг пцуеше и се закануваше и рече дека еден ден ќе однесат 49 отсто од БиХ. 

Претседателот на најголемата партија во Република Српска, СНСД, Милорад Додик, синоќа му упати порака на бошњачкиот лидер Бакир Изетбеговиќ и се закани со отцепување на дел од БиХ. 

„Ова е уште една наша ноќ, онаа во која покажавме дека само заедно имаме сила да се спротивставиме на сите оние кои ќе ни го сменат начинот на живот, ќе влијаат и ќе сакаат да кажат како треба да живееме. Сѐ додека луѓето велат дека треба да бидам тука, ќе бидам. Никогаш нема да се обидам да го направам тоа против волјата на народот“, рече Додик.

Вели дека „тие не се народ кој на другите ќе им држи лекции, кој мрази и сака нешто што не е нивно“.

Во Бања Лука, Република Српска се одржа собир под мотото „Татковината вика“ во организација на СНСД и владејачката коалиција.Собирот пред неколку дена го најави лидерот на СНСД, Милорад Додик, додавајќи дека ќе бидат донесени одредени позиции кои ќе бидат насоки, за тоа како ќе се движи политиката во наредните години, а ќе се работи и на зајакнување на субјективноста на Република Српска и враќање на надлежноста за избори на ниво на ентитет.