Хрватскиот државјанин кој беше ранет на украинското боиште во регионот на Харков синоќа дошол во Хрватска. Транспортот на Хрватот го обезбедија Министерството за надворешни и европски работи и Министерството за здравство. Доброволецот е хоспитализиран во болницата Дубрава, јавува Дневникот на ХТВ.

Хрватот на новинарот на ХТВ му рекол дека се чувствува добро и дека со сето срце отишол да му помогне на украинскиот народ, но за жал не мислел дека ќе биде ранет. За повредите зборуваше д-р Крешимир Матиќ, раководител на Клиниката за пластична, реконструктивна и естетска хирургија во Универзитетската болница во Дубрава.

„Пациентот е примен на Клиниката за пластична хирургија Дубрава со тешки телесни повреди, но е надвор од животна опасност. Има тешки телесни повреди. Станува збор за повреди на раката и ногата, но пациентот е стабилен. Во тек е дополнително лекување. Веројатно ќе треба да се планира операција, а опоравувањето ќе зависи од текот на операцијата и видот на повредата“, изјави д-р Матиќ за Дневник на ХТВ.