Оваа година во Србија ќе има вонредно зголемување на минималната плата. 

„Оваа година ќе има извонредно зголемување на минималната плата. Наш приоритет е зголемување на платите, пензиите и минималната плата. Иницијативата на Вучиќ е да се зголеми минималната плата на 500 евра“, рече министерот за финансии, Синиша Мали.

Како што потсети Мали, на 1 јануари минималната плата беше зголемена за 13,7 проценти.

„Сега имаме минимална плата од 457 евра, а во 2011 година минималната плата беше 15.700 динари. Ова е трета година по ред што ја зголемуваме минималната плата за двоцифрена бројка“, рече тој.

Како што објасни Мали, со зголемувањето од јануари, за прв пат во историјата ја изедначиле минималната плата со потрошувачката кошничка.

„Во декември оваа година ќе имаме просечна плата од над 1.000 евра. Ова е потврда дека подигнувањето на животниот стандард е наш приоритет“, додаде Мали.

Според него, Србија е една од трите најбрзорастечки економии во Европа, како и рекордер во привлекувањето странски инвестиции.