Се зголемува минималецот во Германија. Германската комисија надлежна за утврдување на границата на минималната плата во понеделникот го усвои предлогот за зголемување на минималната плата, кој го даде Стручната комисија за следење и анализа на минималната плата составена од претставници на германските работодавачи и трговски синдикатите.

Затоа, законската минимална плата во 2024-та година треба да се зголеми за 41 цент, односно од 12 на 12,41 евро на час. На почетокот на 2025-та година, висината на минималната плата треба да се зголеми на 12,82 евра на час. Предлогот допрва треба да го одобри сојузниот министер за труд Хубертус Хајл. Тоа се очекува да се случи наесен.

Зголемувањето на минималната плата ќе „погоди“ речиси шест милиони вработени во Германија. Минималната плата последен пат е зголемена на 1-ви октомври 2022-ра година од 10,45 евра на 12 евра.

За споредба во швајцарските градови Цирих и Винтертур  минималната плата ќе изнесува околу 4.000 швајцарски франци месечно или околу 4.075 евра, но граѓаните не се задоволни. 

foto freepik/com/pvproductions