Каша попара уште на старт. Апликацијата Мој ДДВ преку која граѓаните ќе прават поврат на ДДВ за оние кои имаат Епл телефони уште не е достапна.

Не запираат поплаките кои пристигнуваат од граѓаните токму за овој проблем.

-Ние сме дискриминирани. Реално е така. Поминаува и четвртиот ден откако ја пуштија апликацијата а таа уште не е достапна за нас кои имааме ајфони. Какви се тие програмери и зошто од УЈП брзаа да ја пуштат кога истата е полна со недостатоци-прашуваат граѓаните на социјалните мрежи.

Од УЈП убедуваат дека апликацијата е недостапна бидејќи се работи за мултинационален телефон и дека истата во наредните денови ќе профункционира.

- Се работи за посложена мрежа и затоа ќе доцни спроведувањето на апликацијата. Наскоро очекуваме и корисниците на Ајфон да имаат пристап до својата апликација. Службите во сите дирекции се на располагање на граѓаните, а секој на кого му е потребна помош може да се јави кај нас, рече Сања Лукаревска, директорката на управата, при презентирањето на апликацијата.