Проценките велат дека до 2030 година, околу 200.000 работници само во европските банки ќе бидат отпуштени. Причините се повеќе и не се од вчера. И не е само вештачката интелигенција виновна за ова, иако значително ќе ја забрза нивната можност да останат без работа.

Факт е дека ова е процес што трае веќе некое време. И сè започна, како што знаеме, со доаѓањето на банкарските апликации за мобилни телефони. Дигитализацијата значително ги промени навиките на клиентите, а нешто што порано го правеше армија вработени сега се завршува за неколку секунди. Од испраќање пари до плаќање сметки.

Едноставно, банките се под притисок на пониски маржи, жестока конкуренција, во форма на технолошки гиганти, кои се закануваат да ги направат технолошки вишок. Сè што може да се автоматизира ќе биде автоматизирано. Банките сега, повеќе од кога било, се борат да преживеат.

А најранливи се шалтерските работници, а веќе ги има многу помалку отколку порано. Сепак, тие не се единствените. Работните места од таканаречената „задна канцеларија“ исто така ќе бидат потопени под бранот на молскавично брз дигитален развој. Тоа се банкарски вработени кои работат со обработка на документи, поголемиот дел од административната работа, анализа на ризик... сето ова веќе го прават алгоритмите, тие чудовишта кои можат да обработуваат стотици илјади документи во секунда. На луѓето им треба многу, многу повеќе време. 

И во исто време, физичките филијали го губат своето значење. Зошто, кога отворањето сметки се одвива преку Интернет. Во многу европски земји, бројот на филијали се преполови во последните десет години, пренесува bizportal.rs.

foto freepik.com/senivpetro