Тие го чекаат следниот состанок на Европскиот парламент на 20 јануари во Стразбур за да демонстрираат и да побараат од Европскиот суд на правдата да се побара одлука за валидноста на договорот со Меркосур.

Зелено светло за Европската Унија да потпише договор за слободна трговија со јужноамериканската политичка и економска организација Меркосур вчера дадоа 21 членка на ЕУ, додека Австрија, Франција, Унгарија, Ирска и Полска беа против, а Белгија се воздржа, изјави дипломат од ЕУ. 

„Се надеваме дека договорот ќе биде презентиран пред Судот на правдата и дека ќе биде поништен“, изјави претседателката на здружението на земјоделци од Нормандија, Ан-Мари Дени, пишува Б92.

Според неа, овој договор за слободна трговија ќе овозможи увоз на земјоделски производи од земји кои во никој случај нема да имаат исти услови за производство, социјални услови за вработување и санитарни стандарди.

Таа изјави дека земјите од Меркосур имаат пониски трошоци за производство од Франција, со што француските земјоделци нема да можат да се натпреваруваат.