На протестот пред Владата вечерва говореше Ратка Димитрова, пратеничка и коорднинаторка на пратеничката група на ВМРО-ДПМНЕ во првиот состав на Собранието на Република Македонија.

„Тогаш влегов во Собранието за да се борам против едноумието. Сега со „Шарената револуција“ сум на улица и се борам против истото. Денеска е годишната од 17 мај, ден кога народот ја крена главата, разнолик, но обединет во духот на правдата“ - кажа Димитрова.

На протестот учесниците носеа  транспаренти на кои пишува „Нема да дозволиме избори без избор“. Официјално вечерва се приклучи и ЛГБТ заедницата.

Обоени беа Собранието, Порта Македонија и Владата. Настанот пред Владата завршува со музика со бендот на Петрит Сарачини.

Нови протести се најавени за утре во 18 часот пред СЈО.