ДИМИТРИЕСКА-КОЧОСКА: Владата го усвои Предлог-буџетот за 2025 година со кој ги поставуваме темелите за стабилизација на јавните финансии
Владата денеска го усвои Предлог-буџетот за 2025 година. Тој предвидува раст од 3,7 отсто.
Инфлација ќе изнесува 2,2 отсто. Владата се очекува да го испрати Предлог-буџетот до Собранието.
Министерката за финансии Гордана Димитриеска-Кочоска вели дека буџетскиот дефицит ќе се стабилизира на 4 отсто од Бруто домашниот производ. Расходите се планирани на 6,5 милијарди евра, што е раст за 10 отсто, а приходите ќе се зголемат за 13 отсто на 5,82 милијарди евра.
За капитални инвестиции планирани се рекордни 823 милиони евра.
„Владата на седница денеска го усвои Предлог-буџетот за 2025 година со кој ги поставуваме темелите за стабилизација на јавните финансии и економски раст“, вели министерката.
Додаде дека буџетот ќе донесе развој на државата.
Слично
Поврзани вести
