„Нема задолжување надвор од предвидените за годинава“, тврди министерката за финансии, Гордана Димитриеска-Кочоска.

Министерката објаснува дека задолжувањето се движи во рамки на она што било утврдено со Буџетот за 2025 година и дека државата веќе ги анализира пазарите за следната година и се прават планови за задолжување преку еврообврзница, но и други извори за да се покриjaт стари долгови, но и минусот во буџетот. Вели дека државата не доцни ниту со враќањето на ДДВ кон компаниите.

Според неа, воведувањето е-фактура ќе го реши овој проблем, ќе го модернизира процесот и ќе ги намали злоупотребите, додавајќи дека доколку системите биле надградувани навреме, денес немало да се зборува за доцнења во повратот на ДДВ.

Таа уверува дека Буџетот е во одлична кондиција и дека нема никаков проблем со ликвидноста. Проблемот со доцнењето на исплатата на Мој ДДВ кон граѓаните вели е технички.

фото Фејсбук/Гордана Димитриеска-Кочоска