До 13 часот излезноста во вториот изборен крг од локалните избори изнесува 24,44 отсто или  259.059 гласачи. Во Скопје излезноста е 19,69%, односно гласале до 13 часот 85 886 граѓани, соопштија од Државната изборна комисија (ДИК). Оттаму посочуваат дека одзивот во вториот круг до 13 часот е помал од гласањето пред две недели. Според портпаролката на ДИК Билјана Јовановска, најголема излезеност до 13 часот има воДебарца 46,06%, додека најмала е излезноста во Сарај каде што гласале само 4,3% од избирачите. Засега од ДИК не известуваат за одредени нерегуларности кои се забележани во текот на денешното гласање.