Дијаспората се покажа: годинава испратила 1,18 милијарди евра во Македонија!
Од почетокот на годинава, па до крајот на септември во Македонија влегле 1 милијарда и 180 милиони евра по основ на приватни трансфери. Според податоците на НБРМ приливот по оваа основа изнесувал 1 милијарда и 213 милиони евра додека одливот 33,9 милиони евра. Во приватни трансфери влегуваат дознаките во и од странство на физичките лица, потоа откупените и продадените ефективи во менувачниците, како и останатите трасфери од кој најголем дел се рентите, пензиите, инвалиднините и др.
јануари – септември 2012
Приватни трансфери 1.180.000.000 евра-------------------------------------------------------Прилив 1.213.000.000 евраОдлив 33,900.000 евра
Анализирано по месеци произлегува дека во септември годинава има пад на приватните трансфери во однос на претходните месеци со оглед дека во септември влегле 127, 4 милиони евра , во август 155,3 милиони евра, во јули 169,9 милиони евра, во јуни 125,3 милиони евра , во мај 139.9 милиони евра , во април 134,5 милиони евра , во март 118 ,4 милиони евра , во февруари 96 милиони евра а во јануари 113,4 милиони евра.
Но, сепак , приватните трансфери во првите три квартали од годинава бележат раст во однос на минатата година. Имено, лани, во истиот период, приватните трансфери изнесувале 974,5 милиони евра. Додека пак за цела 2011 година имало вкупно 1 милијарда и 403 милиони евра приватни трансфери.
јануари –септември 2011
Приватни трансфери 974.500.00 евра---------------------------------------------------Прилив 1.003.000.000 евраОдлив 29.000.000 евра
Дознаки само од вработените
Според податоците на Народната банка , само како дознаки од вработените, во Македонија во првиот квартал од годинава влегле 138 милиони евра односно во просек печалбарите испраќале по 15,3 милиони евра месечно. Анализрано по месеци најмногу пари испратиле во мај односно 18 милиони евра додека најслабо се покажале во јануари и февруари кога вработените во странство во земјава испратиле по 12 милиони евра.
Дознаки од вработени 138.000.000 евра----------------------------------------------------Приливи 149,500.000 евраОдливи 11,300.000 евра
Наташа Стојановска
Слично
Поврзани вести
