Девојче на возраст од 5 години, попладнево околу 15 часот загина на патот Прилеп-Градско. До несреќата дошло кога автомобил Форд Фиеста со велешки регистарски таблички, излетал од патот и се превртел. Девојчето загинало, а другите не се повредени. Во автомобилот, освен девојчето, биле и нејзиниот татко, баба и дедо. Јавното обвинителство на Република Македонија, соопшти дека се работи на утврдување на причините за  несреќата и дека надлежен јавен обвинител издал наредба за обдукција на телото на починатото девојче, како и наредба за прибирање на траги од местото на несреќата врз кои ќе се врши дополнително вештачење.