На вонредната прес-конференција на која се обрати српскиот претседател, Александар Вучиќ, по повод денешниот масакр во училиштето во Врачар, меѓу другото истакна и дека Коста Кецмановиќ, детето-убиец веќе е сместено на посебен оддел на невропсихијатрија.

- Од овој момент момчето е на посебно место. Тој ќе биде сместен во посебен дел на Клиниката за невропсихијатрија. Неговиот татко како сопственик на оружје кое несоодветно го чувал иако имал дозволи е уапсен, мајка му исто така приведена, истакна тој.

Седмоодделенецот Коста кои имал разработена шема за убивање на „примарни цели“, утрово уби осум ученици и работник од обезбедувањето во ОУ „Владислав Рибникар“. Злосторството го испланирал месец дена однапред и ги мапирал своите другари и редоследот по кој ќе ги убие.

По крвавиот масакр од училишниот двор повикал полиција која веднаш го уапсила.