Вршителот на должноста министер за здравство на Бугарија, д-р Асен Меџидиев, пристигна во болницата во Стара Загора, каде се сместени деца од Србија повредени во тешка автобуска несреќа.

Автобусот во кој се превезувале 38 лица од Србија доживеал сообраќајна несреќа во Бугарија, на автопатот Тракија, кога се превртел на страна во ендек.

- Едно дете е во покритична состојба, во моментов се спроведуваат мерки за реанимација, но хемодинамички индикаторите се стабилни. Во текот на ноќта ќе се следи состојбата и ќе се изврши трансфузија на крв. Имаме тимови со консултанти во Софија, ако треба и утре можеме да го транспортираме - рече министерот.

Детето има 11 години и се здобило со 3 скршеници на карлицата и колкот.

-Детето е свесно, сега разговарав со него. Не можам да кажам дека постои стопроцентна опасност по неговиот живот, но неговата состојба е критична - додаде Меџидиев.

Според него, уште едно дете е сместено на одделението за интензивна нега на опсервација.

- Другите деца се во релативно добра состојба и се во контакт. Тие се на возраст од 9 до 15 години, соопшти министерот за здравство.

Возачот на автобусот е во тешка состојба. Мораше да му биде ампутирана едната нога, додаде министерот.

Дел од децата повредени во тешката несреќа веќе се отпуштени и се пренесени во хотел во градот.