Грчките медиуми обелоденија што пишувало во заканувачките писма кои стигнале до грчкиот министер за надворешни работи, Никос Коѕиас. 

„Имаме 3 куршуми, по еден за секоја Македонија“ – пишувало според грчките телевизии Стар, ЕРТ и Скај во дописот со закани. 

Второто писмо освен до Коѕиас, е адресирано и до уште тројца министри во грчката Влада.

Ова писмо се однесувало на пратениците, а било наменето и за министерот за одбрана Панос Каменос, министерот за правда,  Ставрос Кондонис и министерот за образование,  Костас Гавроглу.

„Триста пратеници во парламентот се предавници. Да влезат војската и полицијата во парламентот“- напишал анонимниот испраќач.

Коѕиас на Твитер напиша дека одамна е на нишан, но дека не се плаши.