Потрагата по тринаесетгодишно дете во Херцег Нови, кое бран го одвлече во морето, е во тек, изјави Миодраг Бешовиќ, директор на Дирекцијата за заштита и спасување на Министерството за внатрешни работи на Црна Гора. 

- Во текот на денот во соработка со истите служби и Управата за поморска безбедност ќе се изврши детален претрес по целото шеталиште. Во комуникација сме и со Дирекцијата за вонредни состојби, која според временските услови, евентуално ќе подигне хеликоптер, за да се пребара што поголем дел од заливот - рече Тадиќ, пренесува ЦДМ.

Шефот на криминалистичката полиција на Херцег Нови, Митар Тадиќ, изјави дека во дежурната служба на Центарот за безбедност било пријавено дека тринаесетгодишникот бил одвлечен од бран додека се фотографирал.

Шефот на Одделот за безбедност во Херцег Нови, Ненад Жижиќ, изјави дека според неофицијални, но сигурни информации, две момчиња се симнале од шеталиштето за да се фотографираат, а едното од нив го одвлекол бран.

Данило Мијајловиќ од Регионалниот нуркачки центар Бијела за ЦДМ изјави дека нивните екипи биле ангажирани синоќа од 23 часот.

- Условите за нуркање се многу лоши, големите бранови во крајбрежјето го отежнуваат пребарувањето. Како што одминува денот очекуваме условите да се подобруваат, но вечерва повторно се очекува силно невреме - изјави Мијајловиќ.

Бешовиќ изјави дека во потрагата биле вклучени Службата за поморска безбедност, Службата за заштита и спасување, членови на нуркачкиот центар и Полициската управа.

Командантот на Службата за заштита и спасување Херцег Нови, Златко Чировиќ изјави дека синоќа околу 22:00 часот добиле повик за помош.

- Бранот го повлече момчето под хотелот „Плажа“ во Херцег Нови. Веднаш излеговме на терен. Со оглед на тоа што брановите беа огромни, ние можевме само да ги осветлиме рефлекторите на морето. Овде сме од синоќа. Досега никој не можеше да влезе во водата, а сега морето се смири, па се надеваме на подобра потрага - изјави Ќировиќ за РТЦГ.

Извор: Срна, ЦДМ

Фото: Принтскрин