Денеска во собранието на Република Македонија ќе се одржат четири собраниски комисии од кои на дневен ред се Комисијата за европски прашања, Националниот совет за евроинтеграции,  Комисијата за транспорт, врски и екологија и Законодавно-правната комисија.

Собраниската комисијата за европски прашања и на Националниот совет за евроинтеграции се Националната програма за усвојување на правото на Европската унија, (НПАА) ревизија 2015-2017 година и Наративен преглед на степен на реализација на НПАА, ревизија 2014 за четврт квартал (01.10.2014 – 31.12.2014).

На собраниската комисијата за транспорт и врски и екологија ќе ги разгледа Предлог – законот за изменување и дополнување на Законот за продажба и давање под закуп на деловните згради и деловните простории на Република Македонија – прво читање, Предлог- одлуката за одобрување на Годишната програма за работа и развој на Агенцијата за регулирање на железничкиот сектор за 2015 година, Предлог на законот за прогласување на локалитетот парк-шума Гази Баба за парк на природата – второ читање поднесен од пратениците Олга Најденовска, Талат Џафери, Илија Димовски, Светлана Јакимовска, Александар Николоски, Предлог одлука за одобрување на Финансискиот план на Македонската радио-телевизија за 2015 година, Предлог – закон за изменување и дополнување на Законот за управување со отпадот – прво читање и Годишната програма за работа на Агенцијата за пошти за 2015 година.

На денешните собраниски седници исто така на дневен ред е и Законодавно-правна комисија Предлог – закон за изменување и дополнување на Законот за продажба и давање под закуп на деловните згради и деловните простории на Република Македонија – прво читање, Предлог-законот за изменување и дополнување на Законот за Царинската тарифа во второ читање, предлог законите за водостопанство, за дополнување на Законот за земјоделски задруги, за изменување на Законот за хидрометеролошка дејност, во прво читање.