Со колона автомобили кои денеска напладне ќе се движат ни Скопје, опозицијата ќе продолжи отпорот и изрази револтот поради политичката криза во земјава. Колоната автомобили предводени од лидерите на опозицијата во 12 часот ќе појде од пред салата „Јане Сандански“ и ќе се движи кон Ново Лисиче, од таму ќе се приклучи на булеварот „Јане Сандански“ и ќе продолжи во насока на Народна банка на Македонија. Караванот продолжува покрај „Црвен крст“ и врти во правец на Собранието на Република Македонија. Од таму покрај гимназијата „Јосип Броз Тито“ кон „Теодосије Гологанов“, колоната ќе продолжи се до „Порта Влае“. Колоната продолжува по „Партизански одреди “ до Соборниот храм и се вози до Владата. Од „Сојузот за иднината“ велат дека ова ќе се случува и во наредните седум дена. Тие посочија дека отпорот ќе трае се додека не се врати легитимитетот на институциите, погазен на 24 декември, а излез гледаат само во предвремените парламентарни избори.