После две недели одмор, денес во Пржино повторно ќе се сретнат работните групи и претставници на четирите најголеми партии во земјава.

Фокусот на денешната средба ќе биде ставен на изборниот законик и темите повзани со него - прочистување на избирачкиот список, измени во изборната регулатива, составот и мандатот на ДИК, гласањето на дијаспората...

Од опозицијата засега се оптимистично настроени и очекуваат договор на решенија, а оптимизам изрази и премиерот Никола Груевски кој истакна дека ако двете страни бидат конструктивни тогаш брзо ќе се најде решение.

Според договорот од Пржино, во ДИК опозицијата треба да добие поголема улога, а не само претседател како што е сега.

Изборите се договорени за во април, а дотогаш треба да се решат многу барања содржани во извештајот на експертот Прибе.