Демонстрантите од „Шарената револуција“ од пред  СЈО  тргнаа кон Министерството за финансии.

Вечерва се протестира поради задолжувањето на државата и намерата на власта да издаде еврообрзница од 650 милиони евра.

„Секој граѓанин на Македонија веќе должи по 2.200 евра, а режимот сака да го задолжи за уште 330 евра, во очајнички обид да продолжи да владее криминално. Нема да дозволиме! Не ги признаваме долговите на расипниците!“ -стои во повикот за вечерашните протести на „Шарената револуција“.

„1.1 милијарди причини за крај” е главното мото на протестот.

Граѓаните носат транспаренти на кои пишува „Новата обврзница обврзува на протест“.

Во меѓувреме од Министерството за финансии веќе бараат кредитори за еврообврзницата.