Демонстрантите беа спречени од кордон полиција да стасаат до МВР. Тие денеска низ центарот на Скопје со пароли „Оставка“, бараат- Правда за Мартин, порачаа дека Македонија мора да стане земја во која ќе има правда за сите. Во моментов толпата е пред зградата во која живее премиерот Груевски и го повикуваат да излезе надвор. Меѓу демонстрантите е и лидерот на СДСМ, Зоран Заев. Поворката, која брои на стотина луѓе, ја предводи братот на Мартин, Александар Нешковски и неговата мајка. „Целата ситуација затаи од врвот на власта, зато и беа поднесени тие тужби вчера, по 4 години, и нередите кои се случија на протестите на 5. мај се последица на нефункционалноста на институциите“, рече Александар Нешковски. Според невладините организации 4 години по смртта случајот за убиството на Мартин се уште нема целосна разрешница, затоа е потребно правдата да ја бараат пред судот за човекови права во Стразбур.

фото Радиомоф