Делта плус сојот го има и во Србија?
Делта плус сојот на коронавирусот веројатно е пристигнат и во Србија.
Ова го изјави командантот на воената болница на Карабурма во Белград, Иво Удовичиќ, јави дописникот на МИА од Белград.
„Во прашање е многу позаразна форма, имаме причина за голема загриженост, бидејќи делта плус сојот мутирал, во делот каде што влегува во клетките, тоа е многу позаразна форма на вирусот. Тоа ќе предизвика поголем број заболени на дневна основа. Тој веројатно е пристигнат во Србија“, изјави Удовичиќ.
Во Србија во црвените зони се лекуваат над 6.700 пациенти, во најлоша состојба – на респиратор се 270 луѓе.
Делта плус сојот е откриен во Хрватска, а претходно и во Грција. Србија, Словенија, Хрватска, не се затвораат, но ги заострија ковид мерките.
Слично
Поврзани вести
