Американскиот производител на авиони Боинг пријави нови проблеми со трупот на својот авион Боинг 737, што би можело да ја одложи испораката на околу 50 авиони.

Извршниот директор на Боинг Комерцијални авиони Стен Диел изјави дека вработен во еден од добавувачите на Боинг, Spirit Aerosystems, открил дека дупките на трупот на авионот биле погрешно избушени, пренесува АП.

Според работниците, две дупки во трупот можеби не биле дупчени според спецификациите.

Boeing says its supplier has discovered another problem with fuselages on its 737 jets that might delay deliveries of about 50 aircraft. Boeing Commercial Airplanes CEO Stan Deal says in a letter to Boeing staff that a worker at the supplier discovered ... https://t.co/IIFeSsfaOE

— KSTP (@KSTP) February 5, 2024

„Оваа ситуација не претставува акутен безбедносен проблем и сите авиони Боинг 737 можат да продолжат да летаат безбедно, но неопходно е да се извршат модификации на околу 50 неиспорачани авиони“, рече Дил.

Американските надлежни органи „интензивно ја проверуваат“ работата на Boeing и Spirit Aerosystems по принудното слетување на патничкиот авион Boeing 737 Max на Alaska Airlines на 5 јануари.

Набргу по полетувањето од Портланд, авионот по експлозијата изгубил делови од трупот и прозорците, а немало жртви, јавуваат медиумите.