Многу Данци предупредуваат дека континуираното продолжување на работниот век е неодржливо и дека треба да почне дебата за подиференцирани пензиски модели што ќе ги земат предвид работната средина и професионалната позадина. Само затоа што Европејците живеат подолго, истакнуваат критичарите, не мора да значи дека се поздрави и поспособни да работат подолго.

„Мислам дека ова е нереално и неразумно. Не можеме да работиме засекогаш. Тукушто наполнив 47 години и гледам дека имам уште многу години на пазарот на трудот. Можеби ќе треба да најдам нова професија“, изјави покриварот Томас Јенсен за данското јавно радио, додавајќи:

„Физички тешките работи се тешки за работа до 70-годишна возраст, па затоа возраста за пензионирање не треба да биде иста за сите. Веќе сум имал операции на колено, рамо и грб. Плаќам даноци целиот мој живот. Треба да има време и за деца и внуци.“

Покрај тоа, Данците не живеат ни приближно најдолго во Европа, но имаат најдолг работен век. Според најновите податоци на Евростат, очекуваниот животен век во Данска е 82 години, две години помалку отколку во Шпанија и Шведска, но три години повеќе отколку во Хрватска, која, како и повеќето понови членки на ЕУ, се придржува до возраста за пензионирање од 65 години, пренесува 6yka.

foto freepik.com/zinkevych