Заканата од повратниците од странските боишта во земјите од Западен Балкан ќе биде една од темите на денешната Втора меѓународна конференција за борба против тероризмот и насилниот екстремизам во Југоисточна Европа што се одржува во Брдо кај Крањ во Словенија.

Претставници на влади, како и на меѓународни и регионални организации кои се занимаваат со оваа тема ќе разговараат за јакнење на соработката и координација на програмите и активностите во бробата пртив тероризмот и насиилниот екстремизам во ЈиЕ. Воедно, ќе се запознаат со студијата што ја порача Регионалниот совет за соработка (РСС) „Игра на трпение: проценка и одговор на заканата што ја носат странските борци повратници на Западен Балкан.

Конференцијата ја организира Регионалниот совет за соработка  заедно со Министерството за внатрешни работи на Словенија, како и со Иницијативата на Западен Балкан за борба против тероризмот и Конвенцијата за полициска соработка во Југоисточна Европа. Првата Конференција за овој проблем е одржана во ноември во Тирана. Република Македонија како основач и активен член на Процесот за соработка во Југоисточна Европа активно партиципира на овие собири.