Медиумите пишуваат дека диктаторите од Заливот станаа сојузници на рускиот претседател Владимир Путин и перат руски пари. 

Напорите на САД да ги спречат плановите на Путин се активно поткопани од наводните американски сојузници во Персискиот Залив, пишува аналитичарот Џош Рогин за Вашингтон пост.

Диктаторите кои управуваат со овие нафтени држави грабаат огромни профити од продажбата на нафта додека неверојатно високите цени ја полнат касата на Путин и ги оштетуваат американската и европската економија.

Во меѓувреме, Мохамед бин Салман ја користи украинската криза за да изврши притисок врз администрацијата на американскиот претседател Џо Бајден да го отфрли неговото предизборно ветување за ресетирање на односите меѓу САД и Саудиска Арабија.

Во светот цените на нафтата растат.