Дали ова е најпотценетата валута во светот?
Моделите на „Голдман Сакс“ и други организации покажуваат дека фер вредноста на кинеската валута е околу пет јуани за долар, додека моментално се тргува по 7,06 јуани за долар.
Банката го смета јуанот за многу добра инвестиција бидејќи во моментов е поевтин отколку што треба да биде за стабилна кинеска економија, објавува „Блумберг“.
Голдман Сакс го отфрла ставот дека зајакнувањето на јуанот би ја загрозило извозната конкурентност на Кина, а претставникот на оваа организација, Тереза Алвес, истакнува дека валутата е толку потценета што дури и значителното зајакнување на валутата нема да го ослаби кинескиот извоз.
Трговскиот суфицит на Кина надмина трилион долари во првите 11 месеци, а некои земји се загрижени дека Кина може да ги преплави нивните пазари со вишок производство и со тоа да ги загрози локалните индустрии.
Голдман Сакс предвидува дека зајакнувањето на јуанот ќе биде поддржано и преку конкурентни девалвации во други земји погодени од растот на пазарниот удел на Кина.
Покрај тоа, силниот суфицит на тековната сметка на Кина дополнително ќе изврши притисок врз зајакнувањето на нејзината валута, додаваат експертите, пренесуваат српските медиуми.foto freepik.com
Слично
Поврзани вести
