Институтот за јавно здравје од Албанија ќе испрати примероци за анализа во странски лаборатории, по што ќе се знае дали оваа варијанта циркулира и во Албанија.

Албанската министерка за здравство, Огерта Манастирлиу,  изјави дека како и сите други земји и Албанија е загрижена кога станува збор за ширењето на варијантата омикрон во повеќе земји. 

Националниот комитет на експерти ќе направи проценка на епидемиолошката состојба за да оцени дали се потребни дополнителни ограничувачки и други мерки.

Манастирлиу кажа дека од средината на јануари кога почна вакцинацијата до сега аплицирани се 2.103.351 дози, од нив 1.072.645 примиле прва доза, 961.013 две и 67.381 трета доза.