Поради високите цени на храната, Хрватите подолг период одат на шопинг во соседните земји, за да пазарат. Меѓутоа,  Словенците не разбираат зошто Хрватите сè уште доаѓаат на шопинг, кога словенечките потрошувачки кошнички станале поскапи во последните месеци, пишува ХРТ.

„Сè е за 20 проценти поскапо. Попустите на леб, млеко и шеќер постојано се повторуваат“, вели Андреа од Брежице.

Новинарскиот тим на ХРТ ги купи основните работи: јајца, брашно, шеќер, масло, млеко. Ги купија сите производи по редовни цени без попусти, во два малопродажни синџири што работат во Словенија и Хрватска.

Во еден малопродажен синџир, цената на тие производи е само 33 центи пониска од истите производи во Хрватска. Разликата не е толку голема.

Од оваа листа, само брашното и јајцата се поевтини, а сè друго е поскапо. Во друг малопродажен синџир, сепак, не вреди да се купуваат овие прехранбени производи. Вкупната цена на пет основни прехранбени производи таму е дури за три евра повисока отколку во истиот малопродажен синџир во Хрватска, а маслото е особено скапо. Цените на овошјето и зеленчукот се исти, детергентите се малку поскапи во Словенија, а алкохолните пијалоци и соковите се поевтини.

Два прехранбени производи се значително поскапи во Словенија: маслото и кафето.

- Би рекол дека цените во Хрватска, Словенија, Австрија и Италија веројатно ќе се изедначат и дека ќе има само разлика во стапката на додадена вредност. Во Словенија, данокот на сите прехранбени производи е 9 проценти. Во Хрватска гледаме дека има разлики во прехранбените производи, па данокот на млеко е 5 проценти, но веќе е 25 проценти на кисело млеко или јогурт, објаснува економскиот аналитичар Дамир Новотни. 

Покрај тоа, во Хрватска, потсетува тој, туристичката сезона има големо влијание врз нивото на цените. Сепак, цените во Славонија  се за 50 проценти пониски отколку во јадранскиот регион.

foto freepik.com