Радикалната група „Исламска држава" повикува да се изведуваат терористички напади во Турција во ново аудио обраќање, информира германскиот весник „Ди Велт". 

Снимката е распространета од блиската до групата новинска агенција „Ал-Фурка" во која џихадисти се охрабруваат да упаднат во земјата на  Босфорот.

Според медиумот гласот кој се слуша е на лидерот на терористичката организација, Абу Бакр ал Багдади. Во прилогот се упатуваат и повици за напади и во Саудиска Арабија.

Во меѓувреме Багдади изрази уверување во победата над ирачката армија во Мосул - последниот голем град под контрола на „Исламска држава". Тој го повика населението да се бори со „непријателите на Алах", а борците-самоубијци да „станат ноќите на неверниците во ден, да донесат хаос со земјите нивни и да ја натераат нивната крв да тече како река".