Адвокатскиот тим на шефот на петтата управа на УБК, Горан Грујоски, првоосомничен во случајот „Тврдина“ денеска ја обжали одлуката на скопскиот кривичен суд за притвор. Грујоски е осомничен од Специјалното јавно обвинителство за три кривични дела. До апсењето тој беше шеф на Петтата управа на УБК, задолжена за следење на комуникациите.

Во следните 48 часа, до судот треба да пристигне и одлуката на СЈО по однос на жалбата на адвокатите на Грујоски. Потоа, Кривичниот совет на судот ќе треба да одлучи дали ќе ја прифати жалбата на адвокатите или не. Грујоски, заедно со поранешната министерка за внатрешни работи, Гордана Јанкулоска се товарат за уништување на опремата за прислушкување на МВР.